Посета на планинскиот врв Чеплес

Планинарење. Ах таа прекрасна прошетка низ планините исполнета со палета на разновиден жив свет, чистиот воздух кој го нуди природата со нејзината зелена покривка, а исто така и гласниот џагор на водопадите, кои неуморно се леат по долините на планинискиот врв Чеплес, кој токму поради неговата богата природа, ја долови љубопитноста за планинарење кај нас. Па така, собрани сите од нашиот клас и со насмевка на целиот глас, спремни и добро опремени за планинарење, ги крстаревме патиштата од Папрадиште па се до планинарскиот дом на Чеплес, кој всушност ни претставуваше главна цел. Чекор по чекор еден позади друг, долго се протегаше редицата на I-5 клас, која со сјај во очите ги следеше тешките но сигурни чекори на професорот.

1/7 

   

Патот до главната цел, всушност не ни претставуваше проблем, бидејќи од зелената покрвика само тивко се слушаше приспивниот звук на птиците, а од грмушките пак, чат-пат ќе се слушнеше само по некој необичен крик, кој всушност и тоа не ни претсувавуваше проблем, бидејќи тоа беа само звуци на природата кои се сосема нормални за таквите предели. Кога пристигнавме на планинарскиот дом на Чеплес по 30 минутна пауза, откако добро се одморивме, повторно по истите патишта се вративме до планинарскиот дом на Папрадиште, каде исто така добро се одморивме. Откако заврши нашиот одмор професорот не собра и ни ги укажуваше правилата за планинарење, но при тоа ни зададе и домашна задача на неколку од групи од нашиот клас.

Посета на „Атлантик група“ од членовите на проектната активност по Бизнис и претприемништво

Учениците при СОУ „Гимназија Кочо Рацин“  кои се дел од проектната активност по Бизнис и претприемништво, организираа посета на компанијата „Атлантик група“ . Атлантик група е мултинационална компанија која има претставништво во 12 земји и е една од најголемите и најуспешни компании во областа на производството и дистрибуција на светски познати брендови. Заштитни брендови на оваа компанија се сите видови на Гранд кафе, Цедевита, Кокта, Штарк, Киндер и многу други. Тоа е компанија со воодушевувачки уреден простор и збир од вработени со големи знаења и ефективност во работењето.

1/7 

   

Нашите ученици беа пречекани од менаџерот за човечки ресурси Елизабета Мирчевска. Во конференциската сала, таа ни одржа презентација за работењето на „Атлантик група“, за распространетоста на компанијата, за производите и соработката со останатите компании. Потоа се запознавме со маркетинг менаџерите кои ни објасниа зошто се толку успешни и како се претставуваат на пазарот.

На 12.05.2012 год. на Унивeрзитетот ,,Св.Кирил и Методиј“-Скопје се одржа XV државен натпревар по социологија и граѓанско образование. На овој државен натпревар учество земаа нашите ученици Алмин Кицара под менторство на проф. Радмила Ивчева и Ивана Тончова под менторство на проф. Пале Трпкова, кои со своите знаења успешно не претставија нас и нашето училиште. Во конкуренција со ученици од сите државни и приватни средни училишта од државата, постигнаа високи резултати и се пласираа во првите десет најдобри учесници, Алмин Кицара го освои високото трето место и Ивана Тончова петтото место. Ваквите ученици се гордост на нашата Гимназијата Кочо Рацин-Велес.

Проф.Пале Трпкова

Проф.Радмила Ивчева

На 15.05.2012 год во Скопје се одржа Cambridge Day во организација на Cambridge University Press и Просветно Дело АД-Скопје, а во соработка со Британскиот совет.

Cambridge Day е настан што се одржува редовно во сите земји каде што Cambridge University Press се присутни меѓу своите наставници и ученици аа се состои од семинари и работилници на кои се поканети наставници по Англиски јазик.

Семинарот се одржа во Конгресната сала на Скопскиот саем и се состоеше од два дела:

Во првиот дел предавач беше Bob Obee а темата беше: CPE/CAE – Article writing, и CPE Revisions.

Во вториот дел предавач беше Gary Anderson a темата беше : Teaching “Tween-agers”: Mehod,Momentum and Motivation. Во завршниот дел беше презентирана темата : Tools for Teaching Exams.

Наши професори присутни на овој семинар беа : Мимоза Костоска, Филимена Костова, Соња Трајчева и Авни Тахири.

Учениците на нашата Гимназија секогаш имале желба и храброст да се соочат со нови предизвици и да стекнат нови и необични знаења.Ова се однесува и на пручувањето од областа на астрономијата.

Во наставната програма по физика оваа научна област е застапена во прва година, но беше доволен предизвик ученикот Никола Николовски од III5 клас да ги продлабочи своите знаења и да учествува на Републички натпревар по астрономија.Подготовките се одвиваа под менторство на предметниот професор Грозданака Саздовс, а ученикот Никола Николовски го постигна солдното II место.

Резултатите се официјално објавени на веб страната www.astronomik-mkd.com