ОБУКА ЗА НАСТАВНИЦИ ВО РАМКИТЕ НА ПРОЕКТОТ ЕРАЗМУС+
КЛУЧНА АКЦИЈА 1 – МОБИЛНОСТ НА НАСТАВЕН КАДАР
СОУ „Гимназија Кочо Рацин“, како добитник на грант од страна на Националната агенција за европски образовни програми и мобилност, во учебната 2018/19 година, ќе реализира вкупно 6 обуки за 12 наставници од училиштето.
Една од нив се однесува на Подготовка на ЕУ-проекти која се реализираше во периодот од 14 до 18 март 2019 година во Брисел, Белгија. Содржината на обуката е корисна за дизајнирање на проекти, утврдување на приоритети во училиштето, во согласност со приоритетите на Европската комисија, начин на аплицирање и менаџирање на добиени проекти.
Освен нашите наставници: Христина Леова и Билјана Миланова, на оваа обука која е организирана од страна на провајдерот Enjoy Italy, имаше учесници од Португалија, Германија, Италија, Ирска и Шпанија.
Покрај посетата на знаменитостите на Брисел, како дел од запознавањето на начинот на живот и културата на оваа Европска престолнина, на 18 март, сите учесници имаа можност да присуствуваат на презентацијата од страна на програмскиот офицер во Европскиот парламент.