Значењето на мајчиниот јазик како движечка сила за културниот развој
на секое општество ќе го препознае и меѓународната организација Унеско која
на 30 седница на генералната конференција одржана во 1999 година го
прогласува 21 Февруари за Меѓународен ден на мајчиниот јазик.
Токму, со поддршка на Унеско, секоја година на овој ден преку различни
манифестации и активности се прославуваат повеќе од шест илјади јазици кои
како мајчини се зборуваат денес во светот.
Ученици од нашата Гимназија заедно со учениците членови на МДПС
„Премиера“ го одбележаа денот на мајчиниот јазик преку учество во
работилница во која инспирирани од мисли за јазикот од познати писатели
создадоа свои мисли и стихови посветени на јазикот.Токму тоа е доказ дека
љубовта кон јазикот и кон литературата треба да останат вечен пламен во
нашите срца. Само преку чување и негување на мајчиниот јазик, го чуваме и
негување она што е најсвето, нашиот најважен идентитетски белег.
Искрено добредојде, на овој значаен ден, им посакавме на учениците од
деветто одделение од основните училишта: „Кирил и Методиј, „Васил
Главинов“ и „Блаже Конески“ и нивните одговорни наставници. Со надеж дека
во иднина ќе бидат наши ученици, ги поканивме и самите да бидат дел од
активностите и манифестациите, преку кои ќе го покажат својот талент и
своите можности и способности.
