Во рамките на 23.Интернационален фестивал, античка драма „СТОБИ“, во Народниот театар „Јордан Х.К.Џинот беше изведена театарската претстава „Лисистрата“ од Народниот театар „Тоша Јовановиќ“ – Зрењанин, Република Србија.
Учениците од СОУ Гимназија „Кочо Рацин“ имаа можност да бидат дел од театарската публика и да ја проследат претставата којашто е базирана од истоименото дело на старогрчкиот драмски писател Аристофан. Преку интересна и несекојдневна хумористична изведба, учениците се запознаа со едно од позначајните дела на античката литература.
Посетата на театарот претставуваше можност, учениците да уживаат во актерската игра и да го збогатат своето културно и литературно знаење.
