РЕАЛИЗИРАНА ЕДУКАЦИЈА ЗА ДАВАЊЕ ПРВА МЕДИЦИНСКА ПОМОШ
Во организација на Клубот на млади на Црвениот крст при Гимназијата и Активот по спорт и спортски активности, во просториите на спортската сала, беше организирано едукативно предавање од областа на давање прва медицинска помош, реализирано од страна на д-р Владо Хаџи-Наумов, активист на Општинската организација на Црвениот крст.
На предавањето беа присутни учениците кои имаат избрано спортска проектна активност – планинарење, бидејќи голем број од темите што се обработуваат на оваа проектна активност, беа прикажани и демонстрирани на ова предавање.
Голем беше интересот за знаења од оваа област кај учениците, дел од нив и практично демонстрираа вежби пред присутните.
