Стручниот актив по Мајчин јазик, Странски јазици и Класични јазици и оваа година, со
свои активности, се вклучи во реализација на проектот „Меѓуетничка интеграција на младите
во образованието“.
Учениците вклучени во овој проект, со одговорните професори на 13 мај 2024
година, во фоајето на Националната опера и балет проследија солистички концерт на
Билјана Камчева – Божиновска (сопран), една од најистакнатите македонски музичари
од помладата генерација. На клавир настапи Андреја Наунов, а како гостин на
концертот настапи Васако Здравков (баритон).Концертот е дел од годишната програма
на Министерството за култура на Р.С.Македонија. Громогласниот аплауз од страна на
учениците беше потврда за искрените емоции од изведбата кои допреа до нивните срца.
Се надеваме дека и во иднина младите Гимназијалци со задоволство ќе се вклучуваат и
ќе реализираат заеднички активности во рамките на овој проект.
