Вчера Гимназијата имаше драги гости со многу необичен, но пријатен повод за посета.
Директорот Илија Попов ги прими гостинките, госпоѓа Соња Гаврилова, психолог, и госпоѓа
Олгица Пепелашева, медицинска сестра, како претставнички на генерацијата матуранти кои
своето образование го завршија во учебната 1979/1980година. Госпоѓа Соња Гаврилова била
инспирирана да напише песна која е доказ дека и по 45 години квалитетот на Гимназијата како
образовна институција се цени и се почитува. Во песната таа ги искажала сеќавањата на оваа
генерација, но во нивно име таа, преку стихови, воедно се заблагодари за знаењето и
воспитувањето кои го добиле за време на своето образование во Гимназијата, а кое било
пресудно тие да се изградат во добри личности и професионалци. Гимназијата цврсто
продолжува по тој пат.
