На 27 мај 2025 година, во Европската куќа во Велес, претставниците на Локалниот младински совет заедно со млади од Велес, меѓу кои и ученици од Гимназијата, присуствуваа на средба со Амбасадорот на Европската Унија во нашата земја – Н.Е. Михалис Рокас.
На средбата присутните разговараа за предизвиците со кои се соочуваат во локалната заедница, споделуваа свои идеи за иднината на градот Велес и регионот, како и за тоа што претставуваат европските вредности за нив.
Оваа средба беше уште една потврда дека размислувањата на младите се од големо значење за промените кои водат кон подобра иднина.
