АКЦИЈА ЗА ПОЗЕЛЕН ВЕЛЕС
На 8 декември, Општина Велес организираше граѓанска акција за пошумување на ридот Вршник со садници на багрем, јавор и јасен. На површина од три хектари, на западната страна на ридот, веднаш над населбите Тунел и Превалец, беа засадени 5. 500 садници.
{besps}stories/ucebna2018_2019/posumuvanje/sliki{/besps}
На повикот на Општина Велес, се одзваа над двесте учесници: вработени во локалната администрација, членови на Советот на Општина Велес, вработени од ЈП „Дервен“, ЕД „Вила Зора“, Општинската организација на Црвен крст, припадници на Армијата на Република Македонија од Командата за обука, ЗГ „Акцијаш – ветерани“ со Првата бригада за доброволна работа „Кочо Рацин“.
Горди сме што во оваа акција за позелен Велес, дадоа свој придонес и наши вработени, а тоа беа членовите на Еколошкиот одбор при СОУ Гимназија „Кочо Рацин“ – Велес.
Јовица Темов, Член на Еколошкиот одбор
