Меѓународен ден за борба против трговија со луѓе
На работилницата, во чија работа учествуваа 24 ученици од СОУ „Гимназија Кочо Рацин“ – Велес и Средното економско училиште „Јовче Тесличков“ – Велес, презентација во вид на воведно излагање одржа Верољуб Додевски – началник на одделот за превенција при МВР СВР Велес. Тој изврши содржинска анализа на овој актуелен проблем, опфаќајќи ги сите видови трговија со луѓе, фазите на регрутирање, транспорт, криење и прифаќење на жртвите, како и постапките на надлежните и заинтересирани субјекти во државата.
{besps}stories/ucebna2017_2018/borba_trgovija_so_luge/sliki{/besps}
Во продолжението, учениците поделени во групи усогласуваа свои мислења и предлози за нивен активен придонес за отстранување на оваа појава и за активности на институциите на државата и други субјекти со кои може да се интензивира борбата против трговија со луѓе. По паузата следеа презентации од групите и заедничка дискусија.
Работилницата беше проследена од локалните медиуми за кои изјава даде претставникот на полицијата.
