Прославувањето на настаните со кои одбележуваме значајни датуми од славната
историја на македонскиот народ, секогаш не исполнуваат со чест, задоволство, но и со
света обврска никогаш да не заборавиме кои сме и која е нашата света цел. Оваа
година ја спојуваме историјата со современото време преку театарската претстава
„Штрајкот на велешките Гимназијалци“. Нашите ученици ги оживејаа вистинските
настани од 14 Март 1942 година, пренесувајќи ја храброста и непокорливиот дух на
Гимназијалците што го обележаа овој историски чин.
При адаптацијата на текстот за претставата беа ангажирани учениците: Ива
Илиевска, Кристијан Мартинов и Теодора Панова во режија на професорките по
Македонски јазик и литература, Цветанка Карамаркова и Весна Павлова. На сцената
настапија актерите: Филип Настов, Кристијан Мартинов, Димитар Коцев,
Ива Ракиџиева, Викторија Панзова, Изабела Жабева, Милена Димова,
Анастасија Крлева, Јана Трипуновска, Катја Зафирова, Теодора Панова, Матеј
Славески, Марио Заеков, Андреј Миров, Марко Стојановски, Борис Павлов, Гордан
Ќимов, Михаил Здравковски и оркестарот во состав: Стојан Димовски – гитара, Ангел
Богоевски, бас гитара,Матеј Богатинов – гитара, Кристина Станишева – виолина и
Андреј Цецев – џез тапани, под менторство на професорот по Музичка уметност,
Атанас Зафиров. За изработката на транспарентите се погрижија учениците:Ива
Илиевска, Теодора Панова, Марија Манева, Кристина Станишева, Катерина Здравева,
Мила Петковска и Вања Андова под менторство на професорката по Ликовна
уметност, Јулијана Михова. Фотографиите ги изработија ученичките: Ивана
Јанкуловска и Александра Панова, а постерот, видеото и поканата учениците:
Кристијан Мартинови Изабела Жабева. Програмата ја водеа учениците:Ана Бошкова и
Јана Пљокова.
Театарската претстава беше топло примена од присутните кои ја проследија со
внимание. Младите актери беа наградени од публиката со громогласен аплауз кој беше
најголема пофалба и благодарност за трудот кој тие го вложија во подготовката и
изведбата на претставата.Тие на сцената ја прикажаа приказната за една бујна и
непоколеблива младост во чие срце бие љубовта за својот јазик и за својот народ.
Присутните гости во фоајето на театарот ја проследија изложбата со фотографии
изработени од промо тимот на Гимназијата под менторство на професорката Петранка
Стојанова, како и четвртото издание на училиштниот весник „Гимназијалец“ објавен
во чест на нашиот патрон, а подготвен од членовите на медиумскиот клуб чиј уредник
е професорката Магдалена Сарагинова. Изложбата во фоајето беше збогатена со
оригинални документи и исклучително значајни материјали кои ги подготвија
вработените при Државниот архив на Република Македонија од одделението во Велес
под раководство на д-р Јасмина Дамјановска.Искажуваме огромна благодарност за
несебичната поддршка за збогатување со материјали кои говорат за големината и
значењето на овој голем историски настан, штрајкот на велешките Гимназијалци.
