Како и секоја година, така и оваа, учениците од СОУ „Гимназијата Кочо Рацин“ – Велес, ги одбележаа двата Светски прогласени дена на екологијата и поезијата. Оваа година решивме да ги сплотиме земјината неизмерна природа и убавина заедно со човековата уметничка душа и природа да твори и создава.
Денешната програма која се одржа во Локалната библиотека „Гоце Делчев“ – Велес, имаше за цел поттикнување на еколошката свест кај младите генерации и убавината на безвременската македонска поезија, вклучувајќи музички точки, рецитаторски изведби и доделување на дипломи на наградените ученици по повод литературниот и ликовниот конкурс за учениците од Гимназијата на тема „Моќта на природата“. На конкурсот пристигнаа многубројни креативни литературни и ликовни творби.
Стручните активи ги наградија следниве творби.
Наградени творби на мајчин Македонски јазик:
Првата награда и припадна на ученичката Лилјана Филипова од 4–2 клас ментор, Цветанка Карамаркова.
Втора награда за ученичката Елена Стојановска од 2-4 клас, ментор Магдалена Сарагинова. Втора награда и за ученичката Јана Пљокова, ментор Александра Стојановска.
Трета награда за учениците Андреј Божиновски од 3-2 клас и Стефанија Кузманова од 3-4 клас, ментор Александра Стојановска и ученикот Ангел Димов од 1-2 клас, ментор Јовица Темов.
Наградени творби на Странските јазици:
Англиски јазик
Со прва награда се закитија ученичките Викторија Јованова и Лана Басаров. Втора награда за ученичката Матеја Стефановска, а трета
за ученикот Кристијан Панов. Ментор на учениците кои твореа на англиски јазик е професорката Благица Аризанова – Шопов.
На германски јазик наградена е творбата на ученикот Ангел Димов од 1-2 клас, ментор Жанет Јанев – Сарагиновски.
На француски јазик наградена е творбата на ученичката Елена Стојановска од 2-4 лас, ментор Билјана Миланова.
На тема „Моќта на природата“ учениците ја изразија својата креативност и во областа на ликовната уметност.
Со прва награда се закити ученичката Ана Куновска. Втората награда и припадна на ученичката Марија Манева. Трета награда за ученичката Лана Басаров.
Во понатамошниот дел од програмата ученикот Филип Настов ја рецитираше песната „Тга за југ“ од основоположникот на македонската уметничка поезија, Константин Миладинов и музичка изведба на песната „Со маки сум се родил јас“.
Крајот на програмата го одбележавме со рецитаторска изведба на песната „Тешкото“ од Блаже Конески од страна на ученичката Теодора Панова, пропратена од ученикот Филип Настов на тапан. Подготовката и реализацијата на настанот се одвиваше под менторство на професорките по Македонски јазик и литература: Магдалена Сарагинова, Весна Павлова и Цветанка Карамаркова, професорот по музичка уметност Атанас Зафиров, професорката Петранка Стојанова, претседател на Eко одборот, професорката Елизабета Николовска, координатор на Eкоодборот, кои како и секогаш им беа огромна поддршка, мотивација и водилка на учениците во подготовките на оваа вечерна програма.
Програмата ја водеа учениците: Нина Митевска и Јаков Ѓоргоски. Настанот го фотографираше ученичката Емануела Теовска.
