На 29 април 2025 година, на покана од Државниот универзитет во Тетово, учениците од IV-5 клас при СОУ „Гимназија Кочо Рацин“ – Велес присуствуваа на отворениот ден и промоција на студиската програма. Претставувањето на факултетите започна во 11 часот пред самиот универзитет, а учениците ги проследија пунктовите на секој факултет: Економски, Правен, Педагошки, Факултетот за бизнис и администрација, Факултетот за земјоделство и биотехнологија, Факултетот за медицински науки, Факултет за прехранбена технологија и исхрана, Факултет за применети науки, Факултет за природно-математички науки, Факултет за уметности, Факултет за физичка култура, Филозофски, Филолошки факултет и Институт за екологија и технологија. Нашите учениците беа исклучително задоволни од љубезноста и достапноста на информации од универзитетските професори и присутни студенти, но исто така и од просторните услови и капацитетот на Увиверзитетот, а крајот на презентирањето заврши со аплауз со обраќањето на деканот проф. д-р Јусуф Зејнели.
Класен Раководител: Атанас Зафиров
