Промоција на првата збирка песни „ Меѓу копнежот и сонот “ од нашата професорка по Македонски јазик и литература, Соња Карбева. Збирката ја промовираа писателката м – р Десанка Николова, некогашна ученичка во Гимназијата, и Виолета Танчева – Златева, член на ДПМ. Со прекрасна изведба поезија рецитираа нашите сегашни ученички: Ана Бошкова, Јана Пљокова, Александра Чатмова и Јана Крајчев, како и некогашните ученици во Гимназијата Даница Лепојевиќ и м – р Бојан Ѓорѓиов. Пријатната атмосфера со својот музички настап ја облагородија нашите музичари: Ива Ракиџиева, вокална изведба, Михаил Петковски на гитара и Ангел Богоевски на виолина. Учениците работеа под менторство на професорот Атанас Зафиров.
