Активностите на Активот по Спорт традиционално започнаа со почетокот на новата учебна година. Една од првите активности беше организација и реализација на меѓукласните натпревари во повеќе екипни спортови. Во текот на месеците септември и октомври се одиграа четиринаесет натпревари во футсал, а денес беше одигран и финалниот натпревар, помеѓу класовите 4-5 и 2-1. На крајот на натпреварите поуспешни беа поискусните, матурантите, кои убедливо го добија натпреварот. По завршувањето на натпреварот беа доделени дипломите за освоено прво и второ место, како и преодниот пехар. Честитки до победниците. На финалистите им посакуваме повеќе среќа на наредните натпревари.
Активот по Спорт посветено ќе продолжи да работи во интерес на учениците. Следат меѓукласните натпревари во одбојка.
