И оваа учебна година ги отвораме ширум вратите на Гимназијата
подготвени да ги пречекаме и прифатиме идните средношколци.
По тој повод нашето училиште беше претставено пред родителите и учениците
во ООУ „Блаже Конески „ – Велес. Тие беа запознати со програмата што се
изучува во четиригодишното гимназиско образование, можноста за избор на
понудените подрaчја, како и и можностите и перспективите кои им ги нуди
гимназиското образование. Се истакнаа посветеноста и мотивираноста на
Гимназијaлците кои секогаш резултираат со успех преку учество во
натпревари, квизови, литературни конкурси, спортски активности, театарски
претстави, ликовни изложби, музички настапи, работата на повеќе проекти и
размената на ученици. Предизвик за идните Гимназијалци е новата билингвална
паралелка со настава на мајчин македонски и англиски јазик.
Во презентацијата пред деветтоодделенците беа вклучени и наши
ученици кои на идните средношколци им го претставија средношколскиот
живот и училишната клима во Гимназијата со цел да им помогнат полесно да
донесат решение, да изберат и да станат ученици на нашето реномирано
училиште.
![](https://gimkocoracin.edu.mk/wp-content/uploads/2024/09/Viber-Bild_2024-09-03_08-25-53-843-225x300.jpg)