Пријава за учество на ученички размени и мобилности во рамките на програмата Еразмус+ во учебната 2021/22
Почитувани ученици и родители,
СОУ „Гимназија Кочо Рацин“ во учебната 2021/2022 година, во рамките на програмата Еразмус+ реализира четири проекти во клучната акција за стратешки партнерства за размена на добри практики во училишното образование, кои во своите предвидени активности вклучуваат краткорочни размени (обуки) за ученици.
Заинтересираните ученици ќе можат да аплицираат за учество на една од претстојните обуки во рамките на проектите од програмата Еразмус+ за учебната 2021/2022 година.
Сите заинтересирани ученици може да го пополнат Формуларот за аплицирање само еднаш најдоцна до 25.02.2022 година. Документацијата ќе биде дополнително побарана од страна на комисијата за прегледување на документите.
Некомплетен формулар за аплицирање и документација нема да биде предмет на разгледување.
