Гимназијата во соработка со Општинската организација на Црвен крст – Велес и
Институтот за трансфузиона медицина од Скопје, по повод Патрониот празник на училиштето,
традиционално организираа крводарителска акција, која се одржа во нашето
училиште на 10 декември 2024 година. На истата својата крв ја даруваа
дваесет и шест ученици, професори и дел од техничкиот персонал. Поголем дел
од учениците даруваа првпат и официјално станаа крводарители и се вброија во
најхуманата заедница. Учениците и професорите уште еднаш ја покажаа својата
хуманост да ја даруваат својата крв и да спасат нечиј живот. Благодарност до
сите учесници во оваа акција која продолжува со својата традиција.
Мотиватори: Зоран Јованов, Елизабета Николовска
