Одбележана годишнината од формирањето на партизанските одреди „Димитар Влахов“ и „Трајче Петкановски“
Традиционалната соработка на СОУ „Гимназија Кочо Рацин“ и Општинската организација на борците од Народноослободителната и антифашистичка војна во Македонија продолжува и оваа учебна година. Нашите ученици беа вклучени во одбележувањето на годишнината од формирањето на партизанскиоте одреди „ Димитар Влахов “ и „Трајче Петкановски“.
Поточно,оваа година, се одбележуваат 74 години од формирањето на партизанскиот одред „ Димитар Влахов“ и 72 години од формирањето на партизанскиот одред „Трајче Петкановски“. На деновите на формирањето на партизанските одреди и нивното значење во поновата историја на Македонија ,преку историско сеќавање, присутните ги потсетија ученичките : Мартина Гаџова и Цветанка Мирова.
Во културно – уметничкиот дел од програмата настапи нашиот ученик Кристијан Јорданов. Тој е достоен следбеник на својот патрон. Младиот поет читаше свои стихови посветени на саканата земја и нејзината историја. Програмата ја водеше ученикот Љубчо Јованов.
Соработката со Општинската организација на борците од Народноослободителната и антифашистичка војна во Македонија ќе продолжи и во иднина со цел достојно да се одбележат значајните датуми од нашата национална историја.
Одговорен професор:
Соња Карбева
