СПОРТСКА ПРОЕКТНА АКТИВНОСТ – ПЛАНИНАРЕЊЕ
Активот по Спорт и Спортски Активности во рамките на проектните активности кои се реализирааат во нашето училиште, традиционално со почетокот на учебната година, организира и реализира еднодневни и повеќедневни планинарски тури на различни локации. На 10.09.2017г, користејќи го прекрасното време заедно со ученици од прва, трета и четврта година од нашата Гимназија реализиравме еднодневна планинарска активност: Велес – с.Папрадиште – планинарски дом „Чеплес“ и обратно.
{besps}stories/ucebna2017_2018/planinarenje/sliki{/besps}
Другарувањето помеѓу учесниците, убавините кои ги видовме и доживеавме, прекрасните пејсажи на масивот Јакупица и врвот Солунска Глава, чистиот воздух, чистата природна изворска вода, капините, малините, будат посебни чувства во секој од нас повторно и повторно да посакаме да бидеме дел од таа авантура, да бидеме дел од таа недопрена природа.
Се надеваме дека убавото време ќе не послужи и во наредните викенди за да можеме да им ја пренесеме и всадиме љубовта кон планината и планинарењето на што поголем број Гимназијалци.
АКТИВ ПО СПОРТ И СПОРТСКИ АКТИВНОСТИ
Реализатори: Петре Петрушевски и Зоран Јованов
