ЗОНСКИТЕ НАТПРЕВАРИ ВО ВАЛАНДОВО ПРВО МЕСТО ЗА НАШИТЕ ОДБОЈКАРКИ
Во Валандово, во спортската сала „Филип Втори“, се одигра првиот турнир од Зонската лига за средни училишта во одбојка за младинки за средни училишта на кој настапија: СОУ „Гоце Делчев“ – Валандово, СОУ „Димитрија Чуповски“ – Велес и СОУ „Гимназија Кочо Рацин“ – Велес.
Нашиот одбојкарски тим беше во состав: Ана Зафирова, Мартина Димовска, Лилјана ХаџиНаумова, Вероника Анастасова, Даниела Николовска, Ива Донева, Ивона Србова, Марија Богоевска, Николина Грујова, Сара Николова, Теона Петрова, Викторија Ванчевска, а под менторство на професорите: Петре Петрушевски и Илија Попов.
Со двете победи на одбојкарскиот тим на СОУ „Гимназија Кочо Рацин“ од Велес тој е прв во зоната Велес – регион Исток. Натпреварите продолжуваат на вториот турнир во Велес, кој ќе се одржи на 11 декември 2018 година.
