Еразмус+ проект, math-GAMES
Во знак на благодарност за успешната досегашна соработка со СОУ Гимназија Кочо Рацин, CMS (Друштвото на математичари на Кипар) покани претставник од училиштето на мултипликативен настан во рамките на Еразмус+ проект math-GAMES.
{besps}stories/ucebna2017_2018/math_games/sliki{/besps}
На 29.03.2018 настанот се одржа во хотел Хилтон во Никозија, Кипар, на кој беа презентирани активностите поврзани со проектот, како и неговата поврзаност со основните вештини кои се приоритет на ЕУ, со посебен акцент на учењето на возрасни. За таа цел, претставник на Министерството за образование и култура, Николета Јоану ја презентираше програмата за учење на возрасни во Република Кипар, и целите кои се зацртани за таа таргет група.
Проектот math-GAMES содржи 32 традиционални игри за деца и возрасни во кои е застапена математиката. Во време на дигитални игри, овој проект овозможува зајакнување на комуникациските и интерперсоналните односи, како и можност за социјализација преку учење.
Друштвото на математичари на Кипар беше стратешки партнер на Гимназијата во проектот Математички лавиринт, кој заврши во 2017 година.
Со оваа конференција нашето училиште ја зајакна соработката со CMS од Кипар, но и помогна во остварување на комуникација со други институции, со кои би можеле да реализираме другиЕвропски проекти.
