Активности од проектот Меѓуетничка интеграција во образованието
Продолжија активностите во рамките на проектот Меѓуетничка интеграција во образованието, така што на 18 февруари дваесеттина ученици од македонска и албанска националност од нашата Гимназија ја посетија фабриката за вода ЈКП – Дервен.
При оваа посета се дефинираа целите на активноста, како и извршувањето на поставената задача – микробиолошко и физичко-хемиско прочистување на водата, на кој начин се прави тоа и кои средства се употребуваат .
{besps}stories/ucebna2015_2016/mio_fabrika_za_voda/sliki{/besps}
Учениците се запознаа со локацијата на фабриката, како и со информации од каде доаѓа водата што ја користиме за пиење, и на кој начин се врши нејзиното прочистување. Од страна на одговорно лице во фабриката, г-дин Тони Јовиќ, тие беа запознати со сите етапи на прочистување на водата – од доаѓањето на сирова вода од браната Лисиче се до финалната прочистена вода која доаѓа преку цевките во секое домаќинство.
Исто така, учениците и наставниците се запознаа со новата софистицирана опрема за автоматско хлорирање на водата во фабриката за преработка на вода при ЈКП – Дервен со што се следат најновите стандарди за безбедност во снабдувањето со вода.
Посетата заврши со поставување на прашања од страна на учениците, кои не го криеја задоволството од посетата и исцрпното објаснување на одговорните во фабриката.
Одговорен професор:
Елизабета Николовска